БАҒДАД. Кеше Ирақта бірнеше дүркін террористік қастандық ұйымдастырылып, кем дегенде 33 адам қаза болып, өзге ондаған кісі жарақат алды. Елдің солтүстігіндегі Туз Хурмату қаласында Ирақ вице-премьерінің күзетіне шабуыл жасалып, 12 адам оққа ұшты. Мосул қаласының орталығында жарылғыш толтырылған екі мотоцикл, ал Киркук қаласында бомба орнатылған автокөлік жарылды. Баакуба қаласында Дияла өлкесі әкімінің орынбасары қастандықтан құрбан болды. Ирақтың ішкі істер министрлігі хабарлағандай, Бағдад қаласындағы көтеріліске қарсы дүйсенбіде басталған операциясының барысында 700 күдікті ұсталып, кем дегенде 28 партизанның көзі жойылды.
