БЕЙРУТ. Бүгін Ливандағы парламент сайлауының жексенбіде болып өткен екінші сатысының ресми нәтижесі жарияланды. Сирияны жақтайтын “Хезболла” қозғалысы мен шийттердің “Амаль” партиясы 23 депутаттық орынға қол жеткізіп, жеңіске жетті. Ливандағы бұл парламент сайлауы – елден сәуір айында Сирия армиясы шығарылысымен өтіп жатқан бірінші сайлау. Ал сайлаудың өткен женкенбідегі бірінші турында Сирияға қарсы оппозициялық күштердің саяси бөлігі 19 мандатты түгел жеңіп алған болатын.
