Ресми Вашингтон Пхеньянның ядролық бағдарламасы бойынша көп жақты келіссөзді жалғастыруға ұмтылады

НЬЮ-ЙОРК. Нью-Йорк қаласында АҚШ пен Солтүстік Корея өкілдерінің бір айға жетпейтін уақыт ішіндегі екінші кездесуі болып өтті. АҚШ-тың мемлекеттік департаменті кездесу болғанын хабарлағанымен, оның жай-жапсарын тәптіштеп айтпады. Солтүстік Кореяның ядролық бағдарламасы бойынша осыдан 1 жылдай бұрын үзілген 6 жақты келіссөзді ресми Вашингтон қайта жалғастыруға күш жұмсау үстінде.