ИЕРУСАЛИМ. Израиль екі аптаның ішінде Иорданның батыс жағалауындағы Қалкилия және Вифлеем қалаларын Палестина бақылауына беретін болды. Бұл туралы Израиль премьер-министрі Ариель Шарон Палестина басшысы Махмұд Аббаспен Иерусалимдегі басқосуында айтты. Израиль ресмилерінің айтуынша, Шарон, сондай-ақ, Аббасқа палестиндықтар Газа жазығында әуежайы мен теңіз портын ашса болады деген. Алайда, бұл шаралардың іске асуы Палестина басшысы Махмұд Аббастың көтерілісшілерге қарсы әрекеттер жасауына байланысты деді Израиль премьер-министрі. Ал Палестина билігі екі жарым сағатқа созылған бұл басқосудан қанағаттанбадық деп мәлімдеді. Бұл екі ел басшылары арасында ақпан айында өткен саммиттен кейінгі екінші басқосу болып отыр.
Палестина билігі Израиль премьер-министрі Ариель Шарон мен Палестина басшысы Махмұд Аббас арасында өткен басқосуынан қанағаттанбадық дейді
Жаңалықтар
Көз сала отырыңыз
-
Азаттық – 70 жыл
"Темір жолдар Қазақстанның байлығын Мәскеуге тасып жатыр"