Еуропа Одағы Иранның ядролық қаруға ұмтылған қызметіне ешқашан жол бермейді

Бұл туралы Франция сыртқы істер министрі Филипп Доусти-Блейзи сейсенбі күні Вашингтонда америкалық әріптесі Кондолиза Райспен кездескен соң айтты. Кондолиза Райс Иран уран байыту қызметін тоқтатуға бағытталған Еуропа Одағының келіссөздерін қолдап отырмыз деді. Райс келіссөздердің мақсаты – Иран бұл қызметті уақытша емес, біржолата тоқтасын деді. Иран уран байыту қызметіміз тек бейбіт мақсатты көздейді деп келеді. Иран мен Еуропа Одағының келіссөздері тамыз айында жалғаспақ.