Ирақтағы АҚШ әскерінің тағы 11 жауынгеріне айып тағылды

БАҒДАД. Ирақта АҚШ-тың 11 жауынгеріне тұтқындағы партизандарды зорлап-жәбірледі деген айып тағылып отыр. АҚШ әскерилерінің мәлімдемесінде нақты не болғаны ештеңе тәптіштеп айтылмай, бірде-бір тұтқынның дәрігерге сұранбағаны атап көрсетіледі. АҚШ жауынгерлеріне қарсы әлгі айып келіп түскен шағым негізінде тағылып отырған көрінеді. Одан бұрын Әбу-Грайб түрмесіндегі Ирақ тұтқындарын жәбірлегені үшін бірнеше АҚШ жауынгері сотталып, өзгелері басқа жазаға тартылған болатын.