Пәкістандағы қақтығыстан шетел соғыскерлері деп күдіктелген 17 адам опат болды

МИРАНШАХ. Пәкістан ресмилерінің хабарлауынша, бүгін Пәкістан қауіпсіздік күштері Ауғанстанға жақын жерде шетел соғыскерлері деп күдіктелген 17 адамды өлтірген. Сонымен қатар Солтүстік Вазиристан провинциясында орын алған қақтығыстан Пәкістанның бір сарбазы қаза тапқан. Ал бұл оқиғадан бір күн бұрын Пәкістандағы АҚШ күштері өлтірген 24 соғыскер жерленген болатын. Пәкістан ресми өкілдерінің айтуынша, құрбан болғандардың көбі Талибан немесе Әл-Қаида соғыскерлері болған.