Лондонда шілденің 21-і күні жарылуға тиіс болған 5-іші жорылғыш табылды

ЛОНДОН. Кеше британ полициясы 21 шілде күні іске аспай қалған террористік қастандықтарды жүзеге асырмақ болды деген 2 күдіктінің аты-жөнін жариялады. Яссин Хасан Омар мен Мұқтар Мухаммад-Саид немесе Мұқтар Саид-Ибраһимнің екеуі де мұсылман елдерінен шыққандар. Лондон полициясының терроризмге қарсы күрес бөлімінің бастығы іске аспаған 4 лаңкестік қастандықты тергеу барысында 5-інші жарылғыштың табылғанын хабарлады. Осы күні 5 күдікті ұсталған, бірақ қастандықтарды тікелей жүзеге асырғандар әлі қолға түспеген. 21 шілде күні де, дәл 7 шілдедегідей, метроның 3 вагоны мен автобусты жармақ болды, бірақ жарылғыштар іске қосылмады.