Ирақ көтерілісшілеріне қарсы күресті күшейту жөнінде өкімет басшысы Ибрагим Жаафари жаңа жоспар ұсынып отыр

Ол жоспар бойынша құпия қызмет саласын күшейту және шетелдерден жауынгерлердің келуіне тосқауыл жасау үшін шекаралардағы күзетті нығайту көзделуде. Бұл мәлімдемесін Жаафари мырза жұма күні болатын Ирақ басшыларының арнайы конференциясы қарсаңында жасап отыр. Әл-Жазира теле арнасы Әл-Қайда басшысы орынбасары Айман әл-Зауахридің мәлімдемесін әуеге шығарған болатын. Онда “Ирақтағы АҚШ бастаған күштер шығарылмаған жағдайда Америкаға қарсы жаңа соққылар жасалады” делінген еді. Осыған байланысты АҚШ елбасы Буш Техсаста сөйлеген сөзінде мұндай мәлімдемеге бола АҚШ күштері Ирақтан немесе Таяу Шығыстан шықпайтын болады” деді.