Accessibility links

Еврей қоныстарын Газа аймағынан көшіру – Израильдің қауіпсіздігі үшін маңызды


ТАЯУ ШЫҒЫС. Израиль армиясы өкілінің хабарлауынша, Иордан өзенінің Батыс жағалауындағы 4 еврей қонысының екеуінен тұрғындары көшіп кетті, бірақ Газа аймағындағы 21 еврей қонысының 8 мыңға жуық тұрғынының біразы қоныс аударудан бас тартып отыр. Кейбір тұрғындар Израиль үкіметін еврейлердің библияда айтылған жерінен бас тартты деп айыптайды. Алайда Израиль премьері А.Шарон: “Біз жүзеге асырып жатқан біржақты қоныс аудару – біздің қазіргі болмысымыз. Бұл болмыс - Израильдің болашағы үшін керек. Біз мұнымен қауіпсіздігімізді нығайтамыз. Біздің күштеріміз қауіпсіздік қабырғасының арғы жағында тұрып, бізге қарсы күрескендерге барлық күш-жігерімен тойтарыс беретін болады”, -деп атап көрсетті. Газа мен Иордан өзенінің Батыс жағалауындағы бас-аяғы 25 қоныстағы 8.5 мыңға жуық тұрғынды көшіру кеше түнде басталып, бүгін түнге дейін аяқталуға тиіс. Палестина лидері М.Аббас Израильдің Газадан шегінуін қуанышпен қабылдап, оны “бірінші қадам” деп бағалады.
XS
SM
MD
LG