Ирақта шииттердің радикалды көсемі Мохтада ас-Садр өз жақтастары мен бәсекелес шиит топтарын қарулы қақтығыстарды тоқтатуға шақырды

Өз үйінде журналистер алдында сөйлеген сөзінде ол Ирақ қазір қиын да дағдарысты кезеңді бастан кешіруде, сондықтан да бізге бірлік қажет деді. Сәрсенбі күні Нажафтағы ас-Садрдың кеңсесіне шабуыл жасалған кезде қақтығыстар орын алған еді. Ирақ премьер-министрі Ибрагим әл-Жаафари елді тыныштыққа шақырды. Бүгін парламент Ирақ Конституциясының жобасы үшін дауыс беруге тиісті.