В.Путин үшінші рет президент сайлауына түспейді, ал ТМД-ның басқа лидерлері ше?

МӘСКЕУ. Британдық “Таймс” газетінің жазуына қарағанда, Ресей президенті В.Путин тағы да 2008 жылғы президент сайлауына түспейтінін мәлімдеді. Дүйсенбі күні Кремльде шетелдік журналистердің сауалдарына берген жауабының бірінде В.Путин үшінші мерзімге мемлекет басшысы лауазымында қалу үшін конституцияға өзгеріс енгізуді мақсат етпейтінін үзілді-кесілді мәлімдеді. “Таймс” газетінің атап көрсетуінше, Ресей президенті Украинадағы “қызғылт-сары төңкерістен”кейінгі ахуалды нашар бағалап, Батысты бұрынғы советтік республикалардың ішкі істеріне араласпауға шақырды.