ЭЫДҰ: “...бұл жолы мұнайдың әлемдік бағасы ғаламдық экономиканы қатты шайқалтып тұрақты өсіп келеді”

ПАРИЖ. Бүгін Экономикалық ынтымақтастық және даму ұйымы (OECD) мұнайдың қазіргі әлемдік бағасы шикізат өндіру қарқынының бәсеңдегенін көрсетпейді деп ескертті. Штаб-пәтері Парижде орналасқан аталмыш ұйымның әлем экономикасының ахуалы туралы бүгін шыққан хабарламасында - мұнай бағасының қазіргі аспандауының 70-80-інші жылдардағы күрт қымбаттаудан ерекшелеу екені атап көрсетіледі. Экономикалық ынтымақтастық және даму ұйымының бас экономисі Жан-Филип Котидің айтуынша, бұл жолы мұнай бағасы әлем экономикасын қатты шайқалтып тұрақты түрде өсіп келеді.