Палестиндіктер Газа аймағы “алып түрмеге айналуы” мүмкін деп сесенеді

ТАЯУ ШЫҒЫС. 38 жыл бойы Израильдің үстемдігінде болған Газа аймағындағы бос қалған 21 еврей қонысына бүгін Палестина автономиясының туы тігіліп, палестиндіктер иесіз қалған еврей шіркеулері – синагогалар мен басқа ғимараттарды өртеп, қирату үстінде. Палестина президенті М.Аббас Израиль армиясы шығарылатын бүгінгі күнді “мереке күні” деп бағалады. Бірақ палестиндіктер Газа аймағын “алып абақтыға айналдырмас үшін” оған кіретін және шығатын жолдарға өз бақылауын орнатуды көздеп отыр деп мәлімдеді. Израиль армиясы Газадан бүгін түгел шығарылуға тиіс.