БАҒДАД. Бүгін Ирақтың Махмудия және Латифия қалаларында болған бомба жарылыстарынан 1 бейбіт тұрғын мен 7 полиция қызметкері қаза болды. Онымен қарама-қатар Ирақ парламенті жаңа конституцияның жобасына ақырғы түзетулерін енгізіп мақұлдады. Парламент спикерінің өкілі Хусеин Әш-Шаһристанидің атап көрсетуінше, Ата заң жобасына басқа түзету енгізуге ешқандай негіз қалған жоқ. Енді БҰҰ-ы конституция жобасының 5 млн. данасын 15 қазанға белгілеген референдумның қарсаңында басып шығарып, халыққа таратуға тиіс.
