Солтүстік Корея ядролық бағдарламасына байланысты соңғы уәдесін орындаудан кері шегініп отыр

Бейсенбі күні БҰҰ-да журналистер алдында жасаған мәлімдемесінде Сыртқы істер министрі орынбасары Чое Су Хон бұл мәселе қараша айына белгіленген 6 жақты кездесуде талқылануы тиіс, деді. Дүйсенбі күні 6 жақты кездесудің соңғы үдерісі Солтүстік Кореяның өз бағдарламасын тоқтататыны жөнінде келісіммен аяқталған болатын. Оның орынына экономикалық көмек, қауіпсіздік кепілі және АҚШ-пен жақсы қарым-қатынас уәде етілген болатын.