Бүгін Халықаралық атом энергиялық агенттігінің отырысында Иранның ядролық бағдарламасына байланысты сауалдар одан әрі талқылануда

АҚШ және Еуропа одағы Иранға экономикалық тиымдар салу ұсынысын Қауіпсіздік кеңесіне жолдауға күш салған болатын. Алайда, Ресей, Қытай және басқа да бірқатар елдер бұл ұсыныстың құжат жобасынан алынып тасталуына қол жеткізген еді. Аталған жоба тым қатаң жасалған, дейді олар. Себебі бұл елдер Иранның ядролық бағдарламасы бейбіт мақсатта жұмыс істеуде деген ресми Техран тұжырымымен келісіп отыр.