Ресей ұшағының Литваның әуе кеңістігін бұзғанын дер кезінде аңғармаған қолбасшы қызметтен босатылды

ВИЛЬНЮС. Литвада әскери әуе күштерінің бас қолбасшысы Йонас Марцинкус осы қызметінен босатылды. Қорғаныс министрі Гядиминас Киркиластың сөзіне қарағанда, ол ресейлік СУ-27 ұшағының апатын тергеуге байланысты қызметтен аластатылды – Литваның қорғаныс күштері елдің әуе кеңістігін бұзған оқиғаны дер кезінде аңғарып, шара қабылдай алмаған.