Палестиндағы “Хамас” тобы Израильді атқылауын доғармақ болса, “Ислам джиһады” – Израильден есе қайтаруға шақыруда

ТАЯУ ШЫҒЫС. Израиль армиясы Газа аймағындағы палестиндік босқындардың Хан Юнис лагеріне және, әскерилердің мәліметі бойынша, Газа қаласындағы қару-жарақ жасалатын шеберханаға әуеден тағы да соққы берді. Оның алдында эксремистік “Хамас” тобы осы жылы Қайырда қол жеткен бітімге қосылып, Израильді зымырандармен атқылауын доғаратынын мәлімдеген болатын. “Ислам джиһады” тобы, керісінше, Израильден кек алуға шақырып отыр. Жексенбі күні Израильдің әуе соққысынан “Ислам джиһадының” Газа аймағындағы басшысы мен оның көмекшісі қаза болды.