Адирондак тауындағы көлде 21 адам суға кетті, басым көпшілігі қарттар

НЬЮ-ЙОРК. Нью-Йорк штатындағы Джордж көлінде халық серуендейтін кеме төңкеріліп, кемінде 21 адам, негізінен қарттар қаза болды. 50 кісілік кеме кеше күндіз Нью-Йорк қаласынан 320 шақырым қашықтықтағы Адирондак тауы маңында төңкерілді. Жергілікті үкімет оның төңкерілуіне жанынан жүзіп өткен екінші кеме себеп болған жоқ па дегенді тергеу үстінде. Ол кезде ауа райы желсіз әрі жылы болған. Төңкерілген кемеде Канададан келген қарттар серуенге шыққан көрінеді.