Швейцария Әділет министрлігі Евгений Адамовты Ресейге емес, АҚШ тарапына тапсыратындығын айтты

Ресейдің Ядролық энергия бойынша бұрынғы министрі Адамовты мамыр айында Швейцария ресми билігі Құрама Штаттарының өтінішімен тұтқындаған болатын. Ресейдің ядролық қауіпсіздігін жақсарту үшін берілген 9 миллион доллардай қаржыны Адамов Ресей ядролық энергиясын басқарып отырғанда жеп қойды, деп АҚШ прокурорлары айыптап келеді. Ресей болса “Адамов ядролық құпияларды Америкада болған кезінде, айтып қоюы мүмкін”, деген қорқынышпен оны өздеріне тапсыруды сұраған болатын.