Ирақта сәрсенбі күні жоғалып кеткен Британияның “Гардиан” газетінің тілшісі Рорри Кэррол босатылды

Бағдад. Бұл жөнінде Ирақтың ішкі істер министрлігі хабарлады. Журналисті Бағдадтың шығыс жағында қарулы бір топ адам кепілдікте қамап ұстап отырған. Журналистің ұрлануына қатысты деген күдікпен бірнеше адам тұтқындалған. Бейсенбі күні Ирақта орын алған бірнеше шабуылда кемінде 8 адам қаза тапқан. Олардың бесеуі Бағдадтағы мектепке жасалған минометтік атқылауда құрбан болған.