Израил Палестиннің исламдық топтарына қарсы Газа секторында әуе шабуылдарын бастады

Кешегі күні Израилдың солтүстігінде өзін-өзі жарған палестиндік жанкешті шабуылынан бес адам қаза тапқаннан кейін, Израил бүгін таңертеңгісін тізбекті әуе шабуылдарымен жауап берді. Әзірге шығындар турасында ақпараттар жоқ. Кеше Израилдың қорғаныс министрі Шаул Мофаз Иордан өзенінің батыс жағалауында Палестин жасақтарына қарсы қимыл-әрекеттерге көшуге бұйрық берген. Хадера қаласындағы террорлық акт жауапкершілігін Ислам жихады тобы өз мойнына алған болатын.