Бүгін Әзірбайжанда жексенбі күні болатын Парламент сайлауының үгіт-насихат шаралары жүргізілетін соңғы күн

Баку. Хабарларға қарағанда, кеше кешкілік Сумгаиттағы оппозициялық «Азадлық альянсы» ұйымдастырған сайлау алды шерулерге екі мыңнан астам қатысқан. Оппозиция жетекшілері егер Милли мәжіліс сайлауында бұрмалаушылыққа жол берілетін болса, көшелерде бейбіт шерулерді бастаймыз деген болатын. Әзірбайжан президенті Илхам Әлиев жақында екі министрге айып тағылып, олардың ұсталуы елді азамат соғысынан сақтап қалды деп айтқан. Батыс үкіметтері сайлау Әзірбайжанның демократиялық реформаларға берілгендігіне өзіндік сын болады дейді. Халықаралық бақылаушылар Әзірбайжанда сайлаудың еркін де әділетті өтеріне күмәнмен қарайды.