Әлемдік банк кедей елдердің құс тұмауына қарсы күрес шараларына 500 миллион доллар қаржы бөлмекші

Алдағы аптада Женевада құс тұмауы және оның жаппай етек алуына жол бермеу шаралары туралы халықаралық конференция ашылады. Қаржы негізінен Вьетнам, Индонезия, Румыния сияқты елдерге берілетін болады. 2003 жылдан бері Азияда құс тұмауы вирусын құстан жұқтырған 62 адам құрбан болған. Дәрігер ғалымдар вирус өзгеріп барып, адам өміріне қауіпті штамға айналуы мүмкін деп ескертеді.