Райс ханым Шығыс Еуропада АҚШ-тың құпия түрмелері бар ма деген сұраққа жауап бермекші

ВАШИНГТОН. АҚШ мемлекеттік хатшысы Кондолиза Райс Шығыс Еуропа елдерінде АҚШ-тың жасырын түрмелері бар болуы мүмкін деген хабарларға байланысты мәлімдеме жасайтынын айтты. Осы айдың басында “Вашингтон Пост” басылымында АҚШ-тың Орталық Барлау Қызметінің Шығыс Еуропада күдікке ілінген терроршыларды ұстайтын құпия түрмелері болуы мүмкін деген мақала жарияланған болатын. Еуропалық Одақ бұл хабарларға байланысты АҚШ-тан түсініктеме беруді сұраған-ды.