БААКУБА. Бүгін Ирақтың Баакуба қаласының іргесінде жолаушы автобусы тасадан атқыланып, 9 адам қаза болды және 2-уі жараланды. Бұл автобус АҚШ-тың әскери базасы жанындағы фермада жұмыс істейтін жұмысшыларды тасымалдайтын. Кеше арабтардың Әл-Жазира телеарнасы өткен сенбі күні Бағдад қаласынан тұтқындап әкетілген қайырымдылық ұйымының 4 қызметкері бейнеленген бейнесюжетті көрсетті. Олардың екеуі Канада, бір-бірден американ пен ағылшын азаматтары. Осы аптада хабарсыз жоғалған неміс азаматшасының тағдыры беймәлім.
