Бүгін Ресей мен Германияның сыртқы істер министрлері Сергей Лавров пен Франк-Вальтер Штайнмайер келіссөз өткізеді

Мәскеу. Германия жағының хабарлауынша, қос министр Иранның ядролық бағдарламасын талқылайтын болады. Ресей Иранның ядролық бағдарламасы туралы істі БҰҰ-ның қауіпсіздік кеңесіне беруге қарсы, ол бұл мәселені Халықаралық атом энергиясы агенттігінің шеңберінде реттеуге болады деп есептейді. Келсіссөздің тағы бір тақырыбы – Ресейден Германияға тартылатын газ құбырының құрылыс жобасы төңірегінде болады.