Ресейдің "Газпром" компаниясы егер 2006 жылдың 1 қаңтарына қарай баға жөніндегі жаңа келісімге қол жетпейтін болса, Украинаға газ жөнелтетін құбырларды жабамыз деп мәлімдеді

Мәскеу. Бұл турасында компанияның өкілі Куприянов «Эхо Москвы» радиосына берген сұхбатында айтқан. Одан ертерек "Газпром" басшысы Алексей Миллер Ресейдің ағылшын тілді телеарнасы арқылы да осындай ескерту жасаған. Ресей мен Украина арасында табиғи газдың бағасы турасында даулы пікірталастар біраздан бері жалғасуда. Газпром Киев газдың әрбір текше метрі үшін қазіргі 50 доллардың орнына 160 доллар төлеу қажет деп талап етіп отыр. Украина бұл саяси қысым деп сынға алуда.