ТЕҺРАН. Иран президенті Махмұд Ахмадинежад “Екінші дүниежүзілік соғыс кезінде еврейлердің жаппай қырылғандығы ойдан құрастырылған”, және Израильді басқа жерге көшіру керек деп қайталап айтты. Бұл туралы Ахмадинежад Иранның оңтүстігіндегі Систан-Балучестан провинциясында мыңдаған адамның алдында мәлімдеді. Иран президентінің айтуынша, Израильді Еуропа, АҚШ, Канада немесе Аляскаға көшіру керек. Осы айдың басында БҰҰ-ы мен әлем елдерінің басшылары Ахмадинежадтың осыған ұқсас мәлімдемесін сынаған болатын.