АҚШ сенаты кеше Американың патриоттық акті деп аталатын террорға қарсы басты заңының кейбір шарттарын өзгертуді қабылдамады

Вашингтон. Сенаторлар оның кей баптары американдықтардың жеке өмір құпиясына тым көп қол сұғады деп есептейді. Өзгерістердің өтпей қалуы президент Буш пен республикандықтар үшін жеңіліс еді. Ақ үйдің өкілі Скот Макклеллан Сенат мүмкін заңды қайта қарайтын болар деген үмітін білдіріп, олардың заңды қабылдауын сұрады. Заңның қатты дау болып отырған тұстары - телефонды тыңдау және мекемелер мен ауруханалардың, кітапханалардың есеп кітаптарында жасырын қарау деген екі шарт еді.