400-ден аса бала СПИД-ке болгарлық медбикелер келмей тұрып шалдыққан

ТРИПОЛИ. Ливияның Жоғарғы Соты балаларға СПИД дертін жұқтырды деп айыпталған болгариялық 5 медбике мен палестиналық дәрігерге шығарылған өлім жазасын бұзып, істі қайта қарауға жіберді. Болгариялық медбикелер өздерінің кінәсіз екенін және осы іс бойынша өздерін зорлықпен мойындаттырғандарын мәлімдеп келді. СПИД дерті бойынша мамандардың мәлімдеуінше, Бенгази қаласының ауруханасындағы 400-ден астам бала тазалықтың жоқтығынан СПИД-ке медбикелер келмей тұрып-ақ шалдықса керек.