С.Петерборда бақталас сауда фирмасының қастандығынан 80 тұтынушы уланды

С.-ПЕТЕРБОР. Кеше С.-Петербордың сауда дүкенінде ауаға шашылған газдан 80 адам уланып, олардың 15-і ауруханаға жатқызылды. Улы газ – арнайы сағаты мен жарылғышы бар ыдысқа – ампулаға құйылған көрінеді. “Максидома” деп аталатын сауда желісіне қарайтын тағы 2 дүкенде улауға жол берілмей, әлгі ыдыстар залалсыздандырылды. Құқық сақшыларының топшылауы бойынша, бұл қылмысты сауда фирмасының бақталастары ұйымдастырғанға ұқсайды. “Бұзақылық” бабы бойынша қылмыстық іс қозғалып, тергеу басталды.