Ауғанстанның Қандағар аймағында дүйсенбі күні орын алған қос шабуыл кесірінен кем дегенде 24 адам қаза болған

Бұл екі шабуыл үшін де жауапкершілікті Талибан қозғалысы өз мойынына алуда. Аймақ губернаторы Асадулла Халидтің айтуынша Спин Болдак қаласында еркін күресті тамашалап тұрған топ арасында жасалған жарылыс кесірінен 20 адам қаза болып 20-сы жараланған екен. Одан бір сағат бұрын Ауған әскери көлігінде жасалған жарылыстан үш солдат және бір қарапайым азамат қаза болған. Бұл екі жарылыстың жанкештілер қолымен жасалғаны немесе алыстан басқарылатын жүйе арқылы іске асырылғаны жөнінде қайшылықты хабарлар бар.