Бүгін Мәскеуде Ресей сыртқы істер министрі Сергей Лавров пен Франция сыртқы істер министрі Филипп Доуст Блэзи Иранның ядролық бағдарламасы турасында талқылаулар өткізуде

Ресей санкциялар салуды қарастыратын Иран мәселесін БҰҰ Қауіпсіздік Кеңесінің қарауына беруді кейінге қалдыра тұруға шақырған. Бұл туралы Уашингтонда сәрсенбі күні Еуропа Одағының сыртқы саясат жетекшісі Хавьер Солана АҚШ мемлекеттік хатшысы Кондолиза Райспен кездесуінен кейін айтқан еді. Онда Кондолиза Райс Иранның ядролық қаруын игеруіне немесе дамытуға жол берілмеу керек деген.