Грузияда миллиондаған адам электр-жарығысыз қалды

ТБИЛИСИ. Ауа-райының бұзылуы салдарынан Грузия астанасы Тбилиси мен елдің шығысында миллиондаған адам электр-жарығысыз қалды. Ал жексенбі күні Ресейден Грузияға қарай тартылған екі газ құбырында орын алған жарылыстардан кейін миллиондаған адам жылусыз қалған болатын. Грузия президенті Михаил Саакашвили бұл жарылыстардың соңында Ресей тұр деп айыптаған еді, ал ресми Мәскеу бұл айыптауларды жоққа шығарып отыр.