Парламенттік сайлауда «Хамас» тобынан ойсырай ұтылған «Фатах» партиясының жетекшісі, Палестина президенті Махмұд Аббас Израильмен өзара бейбітшілік келіссөздерін тоқтатпаймыз, дейді.

Бұл жөнінде ол әсірешіл «Хамас» тобының үлкен жеңісінен кейін кешегі баспасөз мәслихаты кезінде айтты. Ал Израиль үкіметі болса «қарулы лаңкес Хамастық тобы бар үкіметпен біз ешқандай келіссөзге де, байланысқа да бармаймыз», деп кесіп айтты. Алғашқы есепке қарағанда, «Хамас» парламенттегі 132 орынның 76-сына ие болған. «Фатах» партиясына 43 орын бұйырыпты.