Ресейді ноғай көтерілісшілері шулатқаны анықталды

Ставрополь өлкесінің Тюкуй Мектеп ауылында кеше Ресей жасақтары мен исламшыл көтерілісшілер арасында шайқас болды. Олар ноғай ұлтындағы азаматтар болғаны анықталды. Ресей ішкі істер министрлігі сегіз офицеріміз қаза тапты, кемінде он бір қарулы азаматты өлтірдік деп жариялады. "Свобода" радиосы хабарлағандай, 11 қарулы азаматтың көзі жойылғанымен, жергілікті полиция олардың бірнешеуі қашып кетті дейді. Чешенстан жанында 40 шақырымда орналасқан Тюкуй Мектеп ауылындағы қақтығыс бейсенбі күні басталған болатын.