С.Хуссейннің соты одан әрі жалғасады

БАҒДАД. Ирақтың бұрынғы президенті Саддам Хуссейннің соты бүгін одан әрі жалғасады. Хуссейн мен тағы басқа 7 айыпталушыға 1982-ші жылы Дужаил ауылында 148 адамды өлтірді деген айыптар тағылған. Басқа да хабарларға қарағанда, Ирақ астанасы Бағдадта орын алған жарылыстан кемінде 15 адам қаза тапты. Полицияның хабарлауынша, бұл жарылыс бір банктің жанында болған. Сонымен қатар, Бақуба қаласында 4 адам оққа ұшқан. Ал Искандария қаласында бір бомба жарылып, 2 полиция қызметкері құрбан болған.