Шешенстанның Мәскеу қолдауындағы парламенті бірауыздан Рамзан Қадыровты Шешенстан республикасының бас министрі етіп бекітті

Рамзан Қадыров көлеңкедегі қауіпсіздік күштерінің басшысы. Оған адам ұрлауда қатысып, азаматтарға күш көрсетіп келген деген кінә тағылады. Қадыров бұрынғы үкімет басы Абрамовтың орнына оның орынбасарлығынан келіп отыр. Ал Абрамов беймәлім жағдайда көлік апатына кезігіп, денсаулығына байланысты қызметінен кетті. Рамзан 2004-жылы қасақана өлімге кезіккен бұрынғы президент Ахмад Қадыровтың ұлы.