"Әл Жәзирада" Әл Зауахридың үні тағы шықты

"Әл Жәзира" араб телекомпаниясы "Әл-Қаида" басшысының орынбасары Айман Әл Зауахридың жаңа бейнетаспасын жариялады. Әл Зауахри Мұхаммед Пайғамбардың карикатураларын жариялаған батыс елдеріне сын айтты, бұл әдейі жасалған қастандық болды деп сипаттады. Әл Зауахри Палестина парламенттік сайлауына қол жеткізіп, енді үкімет жасақтап жатқан "Хамас" ұйымына қолдау танытты. Әл Зауахри "Хамасқа" қайырылып, Израиль мен Палестина әкімшілігің арасында осы күнге дейін жасалған келісімдерді мойындамауға шақырды.