Өзбекстан адам хұқын қорғаушының тағы біреуін сегіз жылға түрмеге жапты

Ташкент. Бұл жөнінде Human Rights Watch ұйымы хабарлаған. Адам хұқтары тобы жариялаған мәлімдемеде Мұхтабар Тожибаеваға тіркелмеген, заңсыз топқа мүше болды және жала жапты, бопсалаумен айналысты деген, басқа да көптеген айыптар тағылған. Адам хұқтары тобы Тожибаеваның соты өткен жылы Әндіжан оқиғасы орын алғаннан бері Өзбекстанда адам хұқтарын қорғаушылар мен белсенділерді, сын айтушыларды қудалап, оларға қысым көрсетудің кең тараған үлгілерінің бірі деп атап көрсетеді.