ТИРАСПОЛЬ. Молдованың Днестр жағалауы республикасында үкіметтік емес ұйымдарды шетелдерден немесе беймәлім қаржы көздерінен қаржыландыруға тыйым салынды. Бүгін ресми түрде мойындалмаған республиканың президенті Игорь Смирнов осы туралы Қаулыға қол қойды. Днестр жағалауы республикасының үкіметі бұл шара ішкі қауіпсіздікті нығайту үшін қабылданды деп мәлімдейді. Бұл Қаулы Батыс елдерінің қаржысымен адам құқықтарын қорғайтын ондаған ұйымды қамтиды.
