Бүгін Қазақстан президенті Н.Назарбаев 3 күндік мемлекеттік сапармен Өзбекстанға барады. Сапар бағдарламасына сәйкес, Ташкентте Н.Назарбаев екі жақты қарым-қатынастың өзекті мәселелері бойынша өзбек лидері И.Кәрімовпен және Өзбекстанның басқа да ресми тұлғаларымен келіссөз өткізуге тиіс. Қазақстанның көлік және коммуникациялар министрлігінің хабарлауынша, Ташкентте өзбек жағының осы министрлігімен арада халықаралық автожолдар бойынша келісімге қол қою көзделіп отыр.
