Санкт-Петерборда 9 жасар қыз нәсілшілдік негіздегі шабуылға тап болған

Заңгерлер кеңсесінің айтуынша, екі шабуылшы қыздың соңынан қалмастан, ол тұратын үйдің дәлізінде оған қару жұмсаған. Қыздың басы мен мойыны жарақаттанған екен. Жарақат алған қыздың әкесі Африканың Мали елінен, ал шешесі орыс ұлтынан болып шықты. Бұл іске орай қылмыстық іс қозғалған. 2004-ші жылы дәл осы қалада Тәжікстаннан келген 9 жасар қыз өлтірілген болатын. Журналистердің хабарына қарағанда, Ресейде нәсілшілдік бағыттағы осындай шабуылдар көбейе түскен.