Құрманбек Бақиев Ресейге ресми сапармен барады

Қырғызстан президенті Құрманбек Бақиев сәуір айының соңында Ресейге ресми сапармен барамын деп жариялады. Құрманбек Бақиев Ресейге былтыр наурыз айындағы демократиялық революциядан кейін алғаш барған болатын. Ол кезде ол уақытша президент еді. Былтыр наурыз айында халық революциясының барысында елді ұзақ басқарған Асқар Ақаев биліктен ығыстырылған болатын.