Израиль Палестинамен арадағы келісімін және халықаралық ережелерді бұзып отыр

РАМАЛЛА. “Хамас” ұйымы бастаған Палестина үкіметі Автономияның қауіпсіздік күштерімен арадағы барлық байланысын үзу туралы Израильдің шешімін “соғыс жариялау” деп бағалады. Палестина президенті Махмуд Аббас Израиль мұндай әрекетімен екі жақты келісімді және халықаралық ережелерді бұзып отыр деп мәлімдеді. Израиль мен Батыстың бірқатар елі “Хамас” ұйымы қарулы күресін доғарып, Израильді мойындамайынша, онымен қандай да бір байланысқа барудан бас тартып отыр.