Теһранға келген Атом энергиясы бойынша халықаралық агенттік басшысы Мохамед Әл-Барадей Иранның даулы ядролық бағдарламасына байланысты келіссөз бастады. Әл-Барадей Иранның вице-президенті Голам Реза Агазадеһпен кездесіп жатыр. МАГАТЭ басшысы, сондай-ақ, Иранның ядролық мәселелері бойынша бас өкілі Әли Ларижанимен кездеседі деп жоспарланған. Осы аптада Иран уранды байыту ісін сәтті игеріп алғандығы жөнінде жариялаған болатын.
