Газа секторында полиция ереуілі болды

Газа секторында жалақы алмай ереуілдеткен Палестина полициясының қызметкерлері жергілікті әкімшілікті басып алып, бірнеше сағаттан кейін тыныш кетіп қалды. Бұлардың көпшілігі – Палестина президенті басқаратын "Фатах" партиясынан. Олар "Хамас" партиясы басқаратын үкімет жалақы қарыздарын өтесін деп талап қояды. Палестина қаржы министрі Омар Әбділ-Разек полиция ереуіліне алаңдап отырмын, Палестина халқы сырттан оқшуландырылып жатыр, жалақы содан кешігіп жатыр деп сипаттады.