Ирақта сүнниттерден сайланған вице-президенттің қарындасын өлтіріп кетті

БАҒДАД. Ирақтағы 2 экстремистік топ Ән-Насирия қаласындағы әскери керуенге қарсы жасалған шабуылды өз жауапкершілігіне алды. Оның барысында Италияның 3 және Румынияның 1 жауынгері қаза болды. “Ирақтағы Ислам армиясы” және “Имам Хусеиннің бригадасы” деп аталатын 2 топтың бұл мәлімдемесі Интернетке шықты. Кеше Бағдадта Ирақтың вице-президенті әрі сүнниттердің белгілі саясаткері Тариқ Әл-Хашимидің қарындасы Мейсун Хашими тасадан жасалған шабуылдан қаза тапты. Оның оққағары да оққа ұшты.